வெஜிடபிள் பிரியாணி

                வெஜிடபிள் பிரியாணி

தேவையானவை

பாசுமதி அரிசி                        : 200 கிராம்

காரட்                                : 1௦௦  கிராம்  

பீன்ஸ்                               : 100   கிராம்

பச்சை பட்டாணி                      : 50 கிராம்  

காளி பிளோவேர்                     :  சிறிய பூ

இஞ்சி,பூண்டு                          : 100கிராம்

சிறிய வெங்காயம்                     : 50கிராம்

புதினா, கொத்து மல்லி                 :100கிராம்

பெரிய வெங்காயம்                     : 3 

பச்சை மிளகாய்                         : 6

தக்காளி                                : 2   

எலுமிச்சை பழம்                        : 1

உப்பு                                  : தேவையான அளவு

பட்டை, லவங்கம் ஏலக்காய்

பிரியாணி இலை, கடல் பாசி             சிறிதளவு

எண்ணை நெய்                          வதக்க தேவையான அளவு

செய்முறை;

பாசுமதி அரிசியை ஒரு முறை நன்றாகக் கழுவி 2 கப் தண்ணீரில்

ஊற வைக்கவும். இஞ்சி, பூண்டு, சிறிய வெங்காயத்தை அரைத்து வைக்கவும்.

புதினா, மல்லி, மிளகாயை அரைத்து வைக்கவும்

பெரிய வெங்காயத்தை நீண்ட வாக்கில் நறுக்கவும்.

எல்லா காய்களையும் சிறிய துண்டுகளாக நறுக்கவும்.

குக்கரில் எண்ணை பாதி, நெய் பாதி சேர்த்து மசாலாக்களை

வதக்கவும் . பின் பெரிய வெங்காயத்தை சேர்த்து பொன்னிறமாக வதக்கவும்.

பின்பு இஞ்சி, பூண்டு விழுது சேர்த்து வதக்கவும் . பச்சை வாசனை போனபின்பு

எல்லா காய்களை சேர்த்து வதக்கவும்.அதில் அரைத்த புதினா, மல்லி மசாலாவை

சேர்த்து வதக்கவும் .

காஸ் அடுப்பை சிம்மில் வைத்து ,  வதக்கினவற்றை மூடி வைக்கவும் ,

காய்கள்  பாதி வெந்தவுடன்  தேவையான உப்பு சேர்த்து கிளறி ஊற வைத்த 

அரிசியை தண்ணீரை வடித்து  அதில் சேர்த்து வதக்கவும்.

5   நிமிடங்கள் கழித்து வடித்த 2 கப் தண்ணீரை  சேர்த்து மூடி வைக்கவும்.

ஒரு கொதி  வந்தவுடன் அதில் எலுமிச்சை பழம் பிழிந்து மூடி வைத்து

ஒரு விசில் வந்தவுடன்  5 நிமிடம்  சிம்மில் வைத்து அணைக்கவும் .

 .

மிகவும் சுவையான வெஜிடபிள் பிரியாணி தயார்.

துணை: 1. வெங்காய தயிர் பச்சடி -  பல்லரி வெங்காயத்தை சிறிய துண்டுகளாக

வெட்டி, தயிரில் இடவும். அதில் பச்சை மிளகாய், கொத்து மல்லி இலை அரிந்து

இடவும். சிறிது உப்பு இடவும்.

2. உருளைக்கிழங்கு சிப்ஸ்., அப்பளம்